[ရန်ကုန်၊ မြန်မာ၊ ၂၀၂၀ ခုနှစ်၊ ဖေဖော်ဝါရီလ ၂၃ ရက်] - ဘောလုံးအားကစားကို အရူးအမူးနှစ်သက်သော ကလေးငယ်အယောက် ၂၄၀ သည် AIA Myanmar မှ ရန်ကုန်မြို့တွင် ကျင်းပပြုလုပ်သည့် Spurs ၏ နည်းပြ ၃ ယောက်နှင့်အတူ ဒုတိယအကြိမ်မြောက် အခမဲ့ ဘောလုံးအားကစားလေ့ကျင့်ရေးသင်တန်းဖြစ်သည့် AIA GOAL! နှင့် တစ်နေ့တာ ပျော်ရွှင်စွာ ကစားခဲ့ကြသည်။ ၂၀၁၉ ခုနှစ်၊ စက်တင်ဘာလတွင် AIA KICK! ကို အောင်မြင်စွာကျင်းပခဲ့ပြီးနောက် ရန်ကုန်မြို့တွင်ထပ်မံကျင်းပသည့် အင်္ဂလန်ပရီးမီးယားလိဂ်မှ ထိပ်တန်းကလပ် အသင်းတစ်သင်း ဖြစ်သော Tottenham Hotspur မှ နည်းပြများကို ကမ္ဘာ့နံပါတ် ၁ အသက်အမခံကုမ္ပဏီ ဖြစ်သည့် AIA က ခေါ်ဆောင်လာကာ စိတ်လှုပ်ရှားဖွယ်ကောင်းသည့် ဘောလုံး အားကစားလေ့ကျင့်ရေးသင်တန်းကို မြန်မာကလေးငယ်များ စီစဉ်ဆောင်ရွက်ပေးခြင်းဖြစ်သည်။
တစ်နေ့တာကြာမြင့်သည့် အဆိုပါအစီအစဉ်တွင် အသက် ၇ နှစ်မှ ၁၄ နှစ် အတွင်းရှိသည့် ကလေးငယ်များသည် လေ့ကျင့်ရေးကွင်းများထဲတွင် Yangon United ဘောလုံးအသင်းမှ ပြည်တွင်းနည်းပြများက ပံ့ပိုးကူညီကာ Tottenham Hotspur မှ ဝါရင့်နိုင်ငံတကာနည်းပြများ ဖြစ်ကြသည့် Mr. Anton Blackwood ၊ Ms. Shannon Moloney နှင့် Mr. Shaun Harris တို့ထံမှ လေ့ကျင့်သင်ကြားခဲ့သည်။
အဆိုပါပွဲနှင့်ပတ်သက်ပြီး AIA Myanmar ၏ CEO ဖြစ်သူ Mr. Nhon Luc Ly မှ “AIA GOAL! ဟာ ပျော်ရွှင်မှု၊ တက်ကြွမှု၊ စိတ်အားထက်သန်မှုနဲ့ ကျန်းမာမှုတို့အတွက် AIA ရဲ့ တက်ကြွမှုကို အပြည့်အဝ ရုပ်လုံးဖော် ပေးနေ ပါတယ်။ နိုင်ငံတကာအဆင့်မီ လေ့ကျင့်သင်ကြားပေးမှုတွေနဲ့အတူ ပျော်ရွှင်ပြီး လုံခြုံစိတ်ချရတဲ့ ပတ်ဝန်းကျင်မှာ ဒီလူငယ်လေးတွေရဲ့ ပြင်းပြတဲ့ဆန္ဒနဲ့ ရည်မှန်းချက်တွေကို ဖြည့်ဆည်းပေးဖို့ ကျွန်တော်တို့အနေနဲ့ ကူညီ ဆောင်ရွက်ပေးခြင်းဖြစ်ပါတယ်။ ကျွန်တော်တို့ ခေါ်လာပေးတဲ့ နည်းပြတွေဖြစ်တဲ့ Ms. Moloney နဲ့ Mr. Harris တို့ဟာလည်း မြန်မာနိုင်ငံရဲ့ ဘောလုံးကစားသမားအနာဂတ်ကြယ်ပွင့်လေးတွေကို ကူညီမွေးထုတ်ပေးဖို့ သူတို့ရဲ့ အချိန်နဲ့ စွမ်းအားတွေကို လုံးလုံးလျားလျားမြှုပ်နှံထားပါတယ်။” ဟု ပြောကြား ခဲ့သည်။
Mr. Anton Blackwood သည် Tottenham Hotspur အတွက် ကစားသမားဟောင်းတစ်ယောက်ဖြစ်ပြီး UEFA ‘B’ နည်းပြလိုင်စင် ကိုင်ဆောင်ထားသူဖြစ်သည့်အပြင် ကိုယ်ကာယကြံ့ခိုင်ရေးနှင့် လေ့ကျင့်ရေးဆိုင်ရာ MSc ဘွဲ့ရ တစ်ယောက်လည်း ဖြစ်သည်။ ၎င်းသည် AIA ၏ ပိုမိုကျန်းမာအသက်အရှည်ပြီး ပိုမိုကောင်းမွန်သော ဘဝများ ပိုင်ဆိုင်နိုင်စေရေးဟူသည့် AIA ၏ ကတိကဝတ်ကို ကူညီပုံဖော်ပေးလျက်ရှိပြီး အရှေ့တောင်အာရှနှင့် ပစိဖိတ် ကျွန်းစုများ တစ်လျှောက်ရှိ နိုင်ငံပေါင်း ၁၃ နိုင်ငံတွင် နိုင်ငံတကာဘောလုံး ဖွံ့ဖြိုးတိုးတက်မှု အစီအစဥ်၏ နိုင်ငံတကာဖွံ့ဖြိုးရေး မန်နေဂျာတစ်ယောက်အဖြစ် တက်ကြွစွာပါဝင်ဆောင်ရွက်လျက်ရှိသည်။
“AIA GOAL! ရဲ့ အစိတ်အပိုင်းတစ်ခုအနေနဲ့ မြန်မာနိုင်ငံကို ပြန်လာခွင့်ရလို့ ပျော်ရွှင်မိပါတယ်။” ဟု Mr. Blackwood က ပြောကြားခဲ့သည်။ “ဒီလိုစိတ်အားထက်သန်နေတဲ့ လူငယ်လေးတွေကို သူတို့ရဲ့ ကျွမ်းကျင်မှုတွေ အကောင်းဆုံး ဖြစ်လာအောင် ကူညီပျိုးထောင်ခွင့်ရတဲ့အတွက် ပျော်ရွှင်ကြည်နူးရပါတယ်။ မြန်မာ လူငယ်လေး တွေဟာ အောင်မြင်ဖို့အလားအလာတွေ အများကြီးရှိကြတော့ သူတို့ရဲ့ စွမ်းရည်တွေကို ပိုမိုပြည့်ဝလာအောင် အားစိုက် လုပ်ဆောင်ပေးသွားတဲ့ နေရာမှာ တစ်ထောင့်တစ်နေရာက ပါဝင်ခွင့်ရတဲ့အတွက် ဝမ်းသာပီတိ ဖြစ်ရ ပါတယ်” ဟု ထပ်လောင်း ပြောကြားခဲ့သည်။
စီနီယာနိုင်ငံတကာဖွံ့ဖြိုးရေး နည်းပြတစ်ယောက်ဖြစ်သည့် Mr. Harris သည် UEFA B လိုင်စင်ကို ကိုင်ဆောင်ထားပြီး ပရော်ဖက်ရှင်နယ် ဘောလုံးနည်းပြအားကစားသိပ္ပံဘွဲ့ရ တစ်ယောက်လည်း ဖြစ်သည်။ ၂၀၁၁ ခုနှစ်၊ အောက်တိုဘာလမှစတင်၍ Spurs အသင်းတွင် အလုပ်လုပ်ကိုင်ခဲ့ပြီး မူလတန်းကျောင်းများ၊ လူမှုစီမံ ချက်များ၊ ခွင့်တူညီမျှရေးဆောင်ရွက်မှုများတို့တွင် ပါဝင်လှုပ်ရှားခဲ့သည်။ ၎င်းသည် Tottenham Hotspur ၏ Elite ဘောလုံးနှင့် ဖွံ့ဖြိုးရေးစင်တာများတွင် နည်းပြချုပ်နှင့် အားကစားနည်းပြ ကထိကအပြင် စပါး၏ U20 အမျိုးသမီးအသင်းအတွက် နည်းပြချုပ်အဖြစ်လည်း လုပ်ဆောင် ခဲ့သည်။
နိုင်ငံတကာဖွံ့ဖြိုးရေး နည်းပြတစ်ယောက်ဖြစ်သည့် Ms. Moloney သည် ၂၀၁၃ ခုနှစ်မှ ၂၀၁၉ ခုနှစ်အထိ Tottenham Hotspur အမျိုးသမီးအသင်းအတွက် ပါဝင်ကစားခဲ့ပြီး FA အရည်းအချင်းပြည့်ဝသည့် နည်းပြ တစ်ယောက်ဖြစ်ကာ တစ်ဦးချင်းနည်းပြတစ်ယောက်အဖြစ် Level 3 သင်တန်းဆင်းလက်မှတ်ကို ကိုင်ဆောင် ထားသူ တစ်ယောက်လည်းဖြစ်သည်။ အားကစားအပြင် Ms. Moloney သည် A level အဆင့်ရှိ အားကစားဆိုင်ရာ ဥပဒေကို သင်ကြားခဲ့သူလည်းဖြစ်သည်။
AIA GOAL! သည် သင်တန်းအစီအစဉ်များအပြင် ကျန်းမာရေး စစ်ဆေးမှုများကိုလည်း တစ်ခါတည်း ဆောင်ရွက် ပေးခဲ့သည့်အတွက် ကလေးများနှင့် မိဘများသည် ကျန်းမာရေးဆိုင်ရာ အတိုင်ပင်ခံ ဆွေးနွေးချက်များကို အခမဲ့ လာရောက် ဆွေးနွေးခဲ့ကြသည်။ ကလေးများ၏ အာဟာရနှင့် နေထိုင်မှုပုံစံနှင့် ပတ်သက်၍ မိဘများ၏ ကျန်းမာရေးအမြင် ပိုမိုကျယ်ပြန့်လာစေရန်အတွက် ကျန်းမာရေးပညာရှင်များမှ ကလေးများ၏ အသက်၊ အရပ်၊ ကိုယ်အလေးချိန်ပေါ် မူတည်၍ ကျန်းမာရေး အကြံဉာဏ်များပေးခဲ့သည်။
Market Capitalization စျေးကွက်ရှိ ရှယ်ယာတန်ဖိုးအရ ကမ္ဘာ့နံပါတ် ၁ အသက်အမခံကုမ္ပဏီဖြစ်သည့် AIA သည် ပိုမိုကျန်းမာအသက်ရှည်ပြီး ပိုမိုကောင်းမွန်သည့်ဘဝများပိုင်ဆိုင်နိုင်စေရန် ရည်ရွယ်၍ အဆိုပါစိတ်လှုပ်ဖွယ် ကောင်းလှသောအစီအစဥ်ကို ၂၀၂၀ ခုနှစ်အတွင်း မြန်မာနိုင်ငံရှိ အခြားမြို့များတွင်လည်း ကျင်းပပြုလုပ်သွားမည် ဖြစ်သည်။ AIA GOAL! ပွဲဖြစ်မြောက်ရန် သောက်ရေသန့်ပါတနာအဖြစ် Alpine ၊ အာဟာရဆိုင်ရာပါတနာအဖြစ် Milo ၊ စသည့်နာမည်ကြီးကုန်အမှတ်တံဆိပ်များအပြင် ကျန်းမာရေးစစ်ဆေးမှုအတွက် Hello Sayarwon တို့မှ ကူညီပံ့ပိုး ပေးထားသည်။
AIA Myanmar သည် မြန်မာနိုင်ငံတွင် ရာနှုန်းပြည့် လုပ်ပိုင်ခွင့်ရသည့် အသက်အာမခံ ကုမ္ပဏီခွဲတစ်ခု အဖြစ်လိုင်စင် ရရှိသည့် နို၀င်ဘာလ ၂၀၁၉ ခုနှစ်ကတည်းက အာမခံပေါ်လစီများ ရောင်းချလျက်ရှိပြီး မြန်မာနိုင်ငံ၏လူမှု အသိုင်းအဝိုင်းကို အကျိုးပြုသွားရန် ရည်ရွယ်ထားသည်။ လွန်ခဲ့သည့် လများကလည်း ရပ်ရွာအကျိုးပြု ဆောင်ရွက်ချက်များကို လုပ်ဆောင်ခဲ့ပြီး AIA သည် English Premier League club ဖြစ်သော Tottenham Hotspur မှ နည်းပြများကို ခေါ်ယူ၍ ရန်ကုန်မြို့ရှိ ကလေးများကို ဘောလုံးအားကစား လေ့ကျင့်ပေးသည့် လှုပ်ရှားမှုဖြစ်သော “AIA KICK!” ကိုလည်း စီစဉ်ဆောင်ရွက်နိုင်ခဲ့သည်။ ထို့အပြင် AIA မှ ကံထူးရှင် customer ကို ရွေးချယ်ကာ နာမည်ကြီးကစားသမားများဖြစ်ကြသော Tottenham Hotspur မှ Harry Kane နှင့် Son Heung Min တို့အပြင် ဝါရင့်နည်းပြ Jose Mourinho နှင့်ပါ တွေ့ဆုံမိတ်ဆက်နိုင်ပြီး Tottenham Hotspur ဘောလုံးပွဲလည်း ကြည့်နိုင်သောအခွင့်အရေးများ ရရှိနိုင်မည့် လန်ဒန်ခရီးစဥ်ကိုလည်း AIA ပေါ်လစီ ၀ယ်ယူသူတိုင်းအတွက် စီစဥ်လျက်ရှိသည်။
AIA GOAL! နှင့် အခြား စိတ်လှုပ်ရှားဖွယ်ကောင်းသော အစီအစဉ်များအကြောင်း ပိုမို သိရှိလိုပါက AIA Myanmar ၏ တရားဝင် Facebook စာမျက်နှာဖြစ်သော https://www.facebook.com/AIA.Myanmar.MM/ တွင် ဝင်ရောက် ကြည့်ရှု လေ့လာနိုင်ပါသည်။
